Har du gått på yrkesfag og ønskjer å ta høgare utdanning? Då kan du ta påbygging til generell studiekompetanse. Du kan søkje både før og etter læretida. Utdanninga fører fram til generell studiekompetanse.
Kvifor velje påbygging til generell studiekompetanse?
Dersom du har planar om å studera på høgskule kan påbygg vera noko for deg. Faga på vg3 Påbygging til generell studiekompetanse er krevjande, og du som søkjer påbygg må vera motivert for mykje teori. For å få generell studiekompetanse, er det ein føresetnad at faga frå påbygg er bestått. Fleire studie har karakterkrav høgare enn dette. Du bør ha gode karakterar frå fellesfaga på vg1 og vg2 som grunnlag for å gjennomføra dette året.
På vilbli.no finn du meir informasjon om utdanningsprogrammet.
