Er du interessert i teoretiske fag og ønskjer å studere ved universitet eller høgskule seinare? Då kan du velje studiespesialisering. Utdanninga er treårig og fører fram til generell studiekompetanse. Du kan òg velje fag som gir spesiell studiekompetanse.
Kvifor velje studiespesialisering hos oss?
Studiespesialisering gir deg stor valfridom når du skal søkje vidare studie på høgskule eller universitet. Som elev på studiespesialisering vil du få ein aktiv og spennande skulekvardag. Me har fleire parallelle klassar på studiespesialisering og me tilbyr ei rekkje programfag. Hos oss finn du eit godt utstyrt skulebibliotek og me har eit fagdagsystem som opnar opp for ekskursjonar og temadagar.
På vilbli.no finn du meir informasjon om utdanningsprogrammet og kva du kan bli.
