Dette er faget for deg som er kreativ og interessert i IT, nettverk og visuelle uttrykksformer. Etter 2 år på skule kan du gå ut i lære. Du kan også ta påbygg til generell studiekompetanse før eller etter læretida.
Kvifor velje informasjonsteknologi og medieproduksjon?
Informasjonsteknologi og medieproduksjon er eit framtidsretta utdanningsval som gjev deg mange moglegheiter.
Etter læretid kan du ta fagbrev i:
- IT-utviklarfaget
- IT-driftsfaget
- Innhaldsproduksjonsfaget
- Mediedesignfaget
- Medieteknikkfaget
På vilbli.no finn du meir informasjon om utdanningsprogrammet og kva du kan bli.
Første året (vg1) er felles for alle som vel informasjonsteknologi og medieproduksjon. På skulen vår kan du på vg2 søkje deg inn på vg2 Informasjonsteknologi. Vil du gå vg2 Medieproduksjon finn du dette tilbodet mellom anna i Bergen.
